له پاکستانه وارد شوي ۱۳ لارۍ خوسا کچالو بیرته ور ګرځول شوي.
د ننګرهار د کرنې، اوبولګونې او مالدارۍ رییس محمد ولي محسن نن (سهشنبه، ثور ۲۳) وویل، له پاکستانه وارد شویو ۱۴ لارۍ کچالو څخه ۱۳ یې د کرنیزو توکو د قرنطین مسوولانو له لوري تر معایناتو وروسته بېکیفیته ثابت شوي چې بیرته ور ګرځول شوي.
دوی وویل، یوه لارۍ کچالو چې روغ وو، افغانستان ته د لیږد اجازه ورکړل شوه.
د اسلامي امارت مسوولانو له ټولو سوداګرو د باکیفیته محصولاتو واردولو هیله کړې، ترڅو هیوادوال له صحي او پاکو محصولاتو څخه ګټه واخلي.
د یادونې ده چې تر دې وړاندې هم تورخم کې د کرنیزو توکو د قرنطین مسوولانو له لوري له پاکستانه سلګونه ټنه وارد شوي محصولات د خراب کیفیت له امله بېرته ور ګرځول شوي دي.
