د افغانستان لپاره د پاکستان ځانګړي استازي، محمد صادق، له عصمتالله ایرګاشف، چې د افغانستان لپاره د ازبکستان ځانګړی استازی دی، په یوه مجازي ناسته کې د افغانستان او خپلو هېوادونو ترمنځ د اړیکو په اړه خبرې کړې دي.
محمد صادق ویلي، چې په دې ناسته کې د سوداګرۍ، اقتصادي همکاریو او د ظرفیت لوړونې پر موضوعاتو بحث شوی، او دواړو لوریو د ازبکستان–افغانستان–پاکستان د اوسپنې پټلۍ پر پروژې هم خبرې کړې دي، چې د حیرتان بندر له خرلاچي بندر سره نښلوي. هغه دا پروژه د افغانستان د پرمختګ او د سیمې د پراخې اقتصادي ودې لپاره مهمه او حیاتي بللې ده.
