ناروې له افغانستان سره خپلو مرستو ته دوام ورکوي.
په چین کې د افغانستان سرپرست سفیر بلال کریمي د افغانستان لپاره د ناروې له ځانګړي استازي پل کلومن او د چین لپاره د یاد هیواد له سفیر ویبجورن ډایسویک سره کتلي. په دې کتنه کې پل کلومن ویلي، چې هېواد یې له افغانستان سره د اقلیمي بدلون، بزګرانو ته د بدیلو کښتونو ورکړې، له بېوزلو سره د بشري مرستو او نورو بېلابېلو برخو کې خپلو هڅو او مرستو ته دوام ورکوي. همدا راز دې کتنه کې بلال کریمي د افغانستان او ناروې ترمنځ ډیپلوماتیک پرمختګونه ستایلي او دا یې د دواړو هیوادونو ترمنځ د مثبتو اړیکو پراختیا لپاره مهم بللي دي.
