د ترانسپورت او هوايي چلند وزارت د هوا پېژندې ریاست د یوې خبرپاڼې په خپرولو سره د هېواد په ۱۰ ولایتونو کې د شدیدو بارانونو ورېدو اټکل کړی چې ورسره د سېلابونو راوتو احتمال هم شته.

دغه ریاست نن (سه‌شنبه، ثور ۹) تخار، سمنګان، بغلان، سرپل بامیان، دایکندي، غور، ننګرهار، لوګر او پکتیا ولایتونو کې د باران ورېدو اټکل کړی دی.

خبرپاڼه کې ویل شوي چې دغو ولایتونو کې به د ورښت اندازه له ۱۰ تر ۲۵ ملي مترو پورې ووسي.

د یادونې ده چې تر دې وړاندې هم د هېواد یوشمېر ولایتونو کې بارانونو او سېلابونو خلکو ته د مالي زیانونو ترڅنګ، ځاني زیانونه هم اړولي دي.