د افغاني سرې میاشتې رییس د افغانستان لپاره د سره صلیب نړۍوال فدراسیون له مسوول سمع الفخوري سره کتلي دي.
د افغاني سرې میاشتې عمومي رییس په دې کتنه له اړمنو ناروغانو او راستنېدونکو کډوالو سره د لا زیاتو مرستو غوښتنه کړې ده.
ورته مهال الفخوري ډاډ ورکړ، چې نږدې راتلونکې به ایرلینډ، نیوزیلنډ او هالنډ هېوادونه له افغانستان سره د روغتیايي خدمتونو د پراختیا برخه کې ۱.۷ میلیونه یورو مرسته وکړي.
نوموړي دغه راز ډاډ ورکړی، چې د لازیاتو بشري مرستو د جلب لپاره به د افغاني سرې میاشتې ټولنې عمومي رییس ته د جینوا د سفر زمینه هم برابره کړي.
