دوبۍ، د جولای ۲مه، ۲۰۲۵ – د دوبۍ یو له مخکښو رېل استېټ شرکتونو څخه MH Developers د چهارشنبې په ورځ اعلان وکړ چې د افغان کرکټ اتل راشد خان یې د خپل نوي برېنډ امبېسډر په توګه ټاکلی، څو د شرکت د ودې ژمنه لا پیاوړې کړي، په داسې وخت کې چې د دوبۍ د رېل استېټ بازار پیاوړی پرمختګ تجربه کوي او اقتصادي ثبات پکې حکمفرما دی.
د دوبۍ د رېل استېټ بازار په ۲۰۲۵ کال کې د پام وړ وده کړې، چې د کال په لومړۍ نیمایي کې د ملکیتونو په منځني نرخ کې ۱۵٪ زیاتوالی او د معاملاتو په شمېر کې ۲۰٪ زیاتوالی لیدل شوی. دا وده د دوبۍ د پیاوړې اقتصاد، ستراتیژیکو پالیسیو او پانګهوالو ته د دوستانه چاپېریال له برکته ده، چې دا ښار د نړۍ یو له تر ټولو خوندي او زړه راښکونکو ملکیت بازارونو څخه ګرځولی دی.
د MH Developers اجرایوي رییس (CEO) ښاغلي مرتضی هاشمي دا شراکت یوه ستراتیژیکه پریکړه بولي، څو له دې فرصت څخه ګټه واخلي او دوبۍ د نړیوالې پانګونې او مجلل ژوند یوه مهمه مرکز وګرځي.
هاشمي وویل:
"د دوبۍ خوندي او ښه تنظیم شوی اقتصادي چاپېریال د ملکیت بازار ته د خلکو باور بېرته راژوندی کړی، په ځانګړي توګه اوس چې د سیمې په نورو برخو کې د امنیت اندېښنې زیاتې شوي دي. له راشد خان سره شراکت، چې نړیوال شهرت لري او د غورهوالي لپاره یې نه ستړې کېدونکې هڅې زموږ له ارزښتونو سره برابري لري، MH Developers سره مرسته کوي چې له پراخې مخاطبینې سره اړیکه ونیسي او په دې روڼ بازار کې خپل ځای لا پیاوړی کړي."
راشد خان، چې د نړۍ له تر ټولو لوړ معاش لرونکو لوبغاړو څخه دی او د T20 کرکټ تر ټولو مخکښ وېکټ اخیستونکی دی، په نړیوال کرکټ کې ژور تاثیر پرېښی دی. نوموړی د T20 نړیوالو لوبو کې تر ټولو ژر ۱۰۰ وېکټې اخیستونکی لوبغاړی دی او افغانستان یې د کرکټ په دې لنډه بڼه کې بېلابېلو بریاوو ته رسولی دی.
راشد خان وویل:
"متحده عربي امارات د افغان کرکټ لپاره د کلونو راهیسې لکه روحاني کور پاتې شوی، چې د وطن د ستونزو تر څنګ یې موږ ته امن ځای او امکانات برابر کړي دي. له MH Developers سره دا همکاري زما لپاره هم شخصي او هم مسلکي مهمه ده. زه ویاړم چې په داسې وخت کې د MH Developers استازیتوب کوم، چې دوبۍ نه یوازې چټکه وده کوي، بلکې دا هر څه د اقتصادي ثبات او امنیت تر چتر لاندې ترسره کېږي. دا شراکت یوازې د رېل استېټ په اړه نه دی، بلکې د راتلونکو لپاره د فرصتونو جوړول دي، په یو له نړۍ تر ټولو ژمنو ښارونو کې."
د دې شراکت له لارې MH Developers غواړي د رېل استېټ له روانې ودې څخه ګټه واخلي، داسې پروژې وړاندې کړي چې پرمختللی ډيزاین، باوري پانګهوال فرصتونه، او د دوبۍ د خوندي او پرمختګمحور اقتصادي نظام لاندې وړاندې شي.
د MH Developers په اړه:
MH Developers د دوبۍ یو مخکښ رېل استېټ پراختیا شرکت دی، چې د نوښت، دوامدار پرمختګ، او لوړ کیفیت لرونکو استوګنیزو او سوداګریزو پروژو په وړاندې کولو شهرت لري. دغه شرکت د لوړ معماري معیار، د پیرودونکو رضایت، او عصري ژوند مفکوره سره د ښاري ژوند بڼه بدله کړې ده. د CEO مرتضی هاشمي د لرلید لاندې، MH Developers د اخلاقي اصولو پر بنسټ د دوبۍ د ښار د پرمختګ کیسه یوه مهمه برخه جوړوي.
د راشد خان په اړه:
راشد خان د نړۍ له مخکښو کرکټرانو څخه دی او د افغان ورزش نړیوال سفیر ګڼل کېږي. د خپلې چټکې لېګسپرېن بالینګ او د سیالیو ګټلو وړتیا له برکته، نوموړی له ۲۰۱۵ کال راهیسې د افغانستان استازیتوب کوي او د نړۍ مشهورو T20 لیګونو لکه IPL، BBL او The Hundred برخه پاتې شوی دی. د کرکټ تر څنګ، راشد د هیله، هڅونې او استقامت سمبول دی، چې له ننګرهار څخه تر نړیوال کرکټه یې خپل سفر د میلیونونو انسانانو لپاره الهام بښونکی کړی. نوموړی د خیریه چارو، په ځانګړي ډول د ځوانانو ځواکمنولو او زدهکړې په برخو کې هم فعاله ونډه لري.
