د کونړ ولایت د عامې روغتیا ریاست مسوولینو خبر ورکړی، چې د دغه ولایت له ۶۹ روغتیایي مرکزونو سره د ۱۴۶ قلمه د طبي او غیرطبي وسایلو مرسته شوې ده.
د یاد ولایت د عامي روغتیا رییس قاري مظفر رسنیو ته ویلي چې یادې مرستې د هېلټ نېټ موسسې له لوري د ۶.۲ میلیونه افغانیو په لګښت د یاد ولایت له ۶۹ روغتیایي مرکزونو سره شوې دي.
نوموړي زیاته کړې، چې په یادو مرستو کې د خیاطۍ ۸۰ ماشینونه او اړوند کېټونه شامل دي، چې سروې شویو خلکو ته به ورکړل شي.
