د شماليکوریا مشر د اټومي وسلې د کارونې لپاره د چمتووالي امر کړی.
د شماليکوریا مشر کېم جونګ اون د کروز توغندي له ازموینې وروسته د اټومي وسلې د کارونې لپاره د چمتووالي امر کړی دی.
د شماليکوریا دولتي خبري اژانس «KCNA » ویلي: «دا ازموینه دښمنانو ته د خبرداري ورکولو لپاره ډیزاین شوې وه، کوم چې د (هېواد) امنیتي چاپېریال په جدي توګه نقضوي او د مقابلې چاپېریال ګواښ زیاتوي او د مختلفو اټومي عملیاتو وسلو د چمتووالي ښودلو لپاره جوړ شوی و.
د یاد اژانس د خبر له مخې، دغه توغندی د کوریا ټاپووزمې لوېدیځ غاړې سواحل کې ازمویل شوی دی.
سوېليکوریا هم د شماليکوریا د څو کروز توغندیو ازموینه تایید کړې ده.
شماليکوریا د وروستیو کلونو پرمهال د ستراتیژیکو کروز توغندیو د پراختیا او د اټومي سروکو لېږد لپاره هڅې ګړندی کړي دي.
د ملګروملتونو امنیت شورا د شماليکوریا د بالېستیک او اټومي توغندیو او وسلو پر جوړولو بندیز لګولی او پر دغه هېواد یې، بندیزونه هم وضع کړي دي.
