د مرکزي بهسودو ولسوالي لویه لاره د ټرافیکو پرمخ پرانېستل شوه.
د میدانوردګ محلي مسوولان وايي، د دغه ولایت د مرکزي بهسودو ولسوالي لویه لاره چې د واورې ورښت او برفکوچ له امله تړل شوې وه، بېرته پرانېستل شوه.
د دغه ولایت د والي ویاند وحیدالله سرروي رسنیو ته وویل، دغه لویه لاره یوه اوونۍ وړاندې د مرکزي بهسودو ولسوالي په «کوه بیرون» سیمه کې د زیاتې واورې اورښت او برفکوچ له امله تړل شوې وه چې نن د ولایتي ادارې په هلو ځلو دوباره پرانېستل شوه.
نوموړي زیاته کړه چې د مرکزي بهسودو ولسوالي اوسېدونکي کولای شي چې په ډاډه زړه نورو ولسوالیو ته تګ راتګ وکړيږ
سروي وایي، د مرکزي بهسودو ولسوالۍ په «دشت مزار» سیمه کې هم د زیاتې واورې اورښت له امله یاده لاره د موټرو د تګ راتګ پرمخ تړل شوې چې ولایتي اداره هڅه کوي یاده لویه لاره هم د موټرو تګ راتګ پرمخ پرانیزي.
