د صنعت او سوداګرۍ وزارت د ټرانزيټي چارو د رییس محمد الله بختیار په مشرۍ د دغه وزارت یو پلاوی ایران ته تللی دی. د صنعت او سوداګرۍ وزارت په یوه خبرپاڼه کې ویلي، دغه پلاوی پخوانیو سفرونو کې د شویو هوکړو د تخنیکي څارنې او چابهار بندر کې د دغه وزارت د دایمي استازولۍ لپاره د زمینې برابرولو په موخه ایران ته تللی دی. چابهار بندر د سیمې هېوادونو د سوداګریزې پراختیا او د ټرانزیټ په برخه کې مهم رول لري.