زېلېنسکي: د شماليکوریا سرتېري بېرته لومړۍ کرښې ته راوستل شوي.
د اوکراین ولسمشر ولودیمیر زېلېنسکي وايي چې د شماليکوریا سرتيري په کرسک کې بېرته د جګړې لومړۍ کرښې ته ورګرځېدلي دي.
له دې وړاندې داسې راپورونه خپاره شوي و چې روسیې د شماليکوریا سرتېري له دې سیمه دوی ته د درنو تلفاتو ته د اوښتو له امله اېستلي دي.
زېلېنسکي جمعه، فبرورۍ اوومه، په یوې ویډیو کې ویلي چې کرسک کې یې، د روسیې او شماليکوریا ګڼشمېر سرتېري وژلي دي.
نوموړي وویل: «د کرسک په سیمه کې نوي بریدونه شوي. د روسیې او شماليکوریا ګڼشمېر سرتېري بېرته راوستل شوي؛ د دوی د پام وړ لهمنځه وړل شوي. موږ د روسیې او شماليکوریا سلګونه سرتېرو په اړه خبرې کوو.»
بلخوا د روسیې دفاع وزارت ادعا کړې چې د اوکراین د ختیځ د کانونو مهم ښارګوټی توریتسک یې، نیولی دی. کېیف بیا د روسیې دفاع وزارت دغه ادعا رد کړې.
