کابل کې د پاکستان، چین او افغانستان لومړنۍ درې اړخیزه غونډه شوې.
د افغانستان لپاره د پاکستان ځانګړي استازي محمد صادق پر اېکسپاڼه لیکلي چې نن (شنبه، ثور ۲۰) کابل کې د افغانستان، پاکستان او چین لومړنۍ درې اړخیزه غونډه ترسره شوه.
هغه ویلي چې دغه غونډه د اسلامي امارت د بهرنیو چارو وزارت د سرپرست امیرخان متقي په کوربهتوب شوې ده.
د ده په وینا، یاده غونډه کې ګډونکوونکو د امنیتي او اقتصادي همکاریو او د سیمهییز ثبات په اړه لیدلوري شریک کړي دي.
د یادونې ده چې د افغانستان لپاره د پاکستان ځانګړی استازی محمد صادق تېره ورځ کابل ته په سفر راغلی دی.
هغه تېره ورځ جمعه د دغه سفر په اړه ډېر جزییات نه وو ورکړي، خو ویلي وو چې د اسلامي امارت چارواکو سره به مهمې ناستې ولري.
هغه د هند او پاکستان ترمنځ د کړکېچ زیاتېدو سره هممهاله کابل ته سفر کړی دی.
