ټایمز ورځپاڼې په یوه راپور کې لیکلي چې په منځني ختیځ کې ډیپلوماتان په دې باور دي چې ډونالډ ټرمپ د “فعال ګواښونو” له لارې د اسلامي جمهوریت د محدودولو په لټه کې دی او په ورته وخت کې هڅه کوي چې پر ایران د احتمالي برید لپاره سیاسي مشروعیت پیدا کړي.
ټایمز د یو شمېر چارواکو له قوله لیکلي، چې د اسراییلو له دوو سترو هوايي بریدونو وروسته چې د ایران د رادار او هوايي دفاعي سیسټم په اغېزمنه توګه یې نابود کړ، د دغه ډول برید د احتمالي وخت په اړه څېړنه کېږي.
د امریکا ولسمشر ډونلډ ټرمپ ګواښ کړی، که تهران له نوي اټومي تړون سره موافقه ونه کړي، دوی به پوځي اقدام وکړي.
