امریکا په خپله خوښه تلونکو ناقانونه کډوالو ته ۱۰۰۰ ډالر ورکوي.
د امریکا حکومت په دغه هېواد کې مېشت ناقانونه کډوالو ته اعلان کړی، که په خپله خوښه خپلو هېوادونو ته ستانه شي، ۱۰۰۰ ډالر به ورکړي.
د امریکا کورني امنیت وزارت مسوولان وايي، په خپله خوښه تلونکو ناقانونه کډوالو ته د سفر د لګښت ترڅنګ، یو اپلېکېشن هم جوړ کړی چې وکولای شي، خپل هېواد ته د ستنېدو لپاره ځان ثبت کړي.
د یاد وزارت په خبرپاڼه کې ویل شوي: «هغه کډوال چې د CBP One اپلېکېشن له لارې چې پخوا د CBP Home په نوم پېژندکېده، په خپله خوښه ستنېدو لپاره نوم لیکنه کولای شي او نور به د توقیف او اېستلو لپاره د لومړیتوب نوملړ کې نهوي. دوی به مستقیم مالي مرسته، د سفر اسانتیاوې او نور فرصتونه ترلاسه کړي چې بېرته هېواد ته په منظم ډول ستانه شي.»
واک ته د ډونالډ ټرمپ له ستنېدو راهیسې له امریکا څخه شاوخوا ۱۵۲۰۰۰ ناقانونه کډوال له دغه هېواد اېستل شوي دي.
د ټرمپ ادارې هڅه کړې چې د سختو جریمو ګواښونو، د قانوني حیثیت د لغوهکولو او د ګوانتانامو خلیج، کیوبا او ایلسلوادور زندانونو ته د لېږد په څېر ګواښونو سره دغه هېواد کې ناقانونه کډوال او پناهغوښتونکي وهڅوي، څو په خپله خوښه خپلو هېوادونو ته ستانه شي.
