ریال ماډریډ او منچسټرسیټي نن شپه لوبه لري.
د اروپا فوټبال اتلانو لیګ کې د اسپانیا ریال ماډریډ لوبډله د انګلستان له منچسټرسیټي لوبډلې سره نن شپه لوبه کوي.
ټاکل شوې چې یاده لوبه نن شپه ۱۲:۳۰ بجې د منچسټرسیټي په کورني لوبغالي «اتحاد» کې پیل شي.
ریال ماډریډ د اروپا اتلانو لیګ په جدول کې یوولسم او منسیټي بیا ۲۲م ځای لري. د دغه لیګ په سر کې لېورپول لومړی او بارسلونا دویم ځای کې دي.
ریال له کړیو ۸ سیالیو څخه ۵ ګټلي او درې بایللې دي.
منچسټرسیټي بیا له اتو سیالیو درې ګټلي، درې بایللې او دوه یې، مساوي پای ته رسېدلې دي.
دواړه لوبډلې دې وړاندې تېرکال د یاد لیګ په کوارټرفاینل کې هم سره مخ شوې وې چې ریال لوبډلې د پنالټۍ په شټونو کې سیټي ته ماته ورکړې وه.
