لوګر چارواکي: د شهیدانو کورنیو سره مرسته کول مو مسوولیت دی.
د لوګر محلِ چارواکو د شهیدانو کورنیو سره د اختر نمانځنې په مراسمو کې وویل، د شهیدانو کورنیو سره دوامداره مرسته کول یي، مسوولیت دی.
د دغه ولایت مرستیال والي مولوي محمدانور دین پرور وویل، په تېرو شلو کلونو کې د لوګر اوسېدونکي د جګړو له امله زیانمن شوي او اوس باید د یادو کورنیو لاسنیوی وشي.
د نوموړي په وینا، افغانستان ته سراسرې امنیت راغلی، د شهیدانو کورنیو د غړیو برکت دی او اړتیا ده چې د حکومت سربېره یې هر افغان لاسنیوی وکړي.
بلخوا د صنعت او سوداګرۍ وزارت مرستیال مولوي احمدالله وویل، شته نظام افغانانو ته چاه په ډالۍ نهدی ورکړی، د افغانانو د قرباینو په پایله کې بریا ته رسېدلی دی.
نوموړي په تېرو جګړو کې د افغانانو قرباني وستایله او په ولس یې غږ وکړ چې د شته نظام کلک ملاتړ وکړي.
د غونډې په پای کې د شهیدانو په یوشمېر کورنیو هم نغدي مرسته ووېشل شوه.
