پل علم ښارکې دوه پراختیایي پروژې ګټې اخیستنې ته وسپارل شوې.
پل علم ښار کې د نږدې ٢.٥ میلیونه افغانیو په اررښت د دوه پراختیایي پروژو چارې بشپړې او ګټې اخیستنې ته وسپارل شوې.
د پل علم ښاروالۍ مطبوعاتي مسؤل محمد نسیم روان د سه شنبې په ورځ زینت راډیو ته وویل، چې یادې پراختیایي پروژې، د پل علم ښاروالۍ له پراختیایي بودجې د دریو میاشتو په موده کې د ښار په دوو سیمو کې پلي شوي دي.
ښاغلي روان ویلي، یادو پروژو کې د پل علم ښار اړوند پایخېلو سیمه کې د ۱.۳ میلیونه افغانیو په لګښت ۱۹۰۰ متر مربع پلولارو سنګ فرش کول، او د هوني سفلا په سیمه کې د یو میلیون افغانیو په ارزښت سره د ۸۵۰ متر مربع اوسپنیزو کټارو نصبول شامل دي.
ځایي مسوولینو ویلي، تېر کال هم د پل علم ښاروالۍ لخوا د شاوخوا څلور میلیونه افغانیو په ارزښت په دغه ښار کې ورته پروژې پلې او ګټې اخیستنې ته سپارل شوي دي.
