د اسراییلو لومړي وزیر بنیامین نتنیاهو اعلان کړی چې په غزې تړانګه کې څلور اسراییلي سرتېري د ماین چاودنې له امله وژل شوي دي.
دا چاودنه د خان یونس ختیځ ته نږدې، د بني سهیلا په سیمه کې رامنځته شوې، چې له امله یې یوه ودانۍ نړېدلې ده.
د “یدیعوت احرونوت” ورځپاڼې د راپور له مخې، په دغه پېښه کې پنځه نور سرتېري ټپیان شوي دي، چې د یوه روغتیايي حالت یې نازک بلل شوی.
د اسراییلو لومړي وزیر د وژل شویو سرتېرو کورنیو ته تسلیت ویلی دی .بلخوا، حماس پر اسراییلو د نورو عملیاتو خبرداری ورکړی دی.
