د اسراییل پوځ: ایران د اسراییل په لوري تر سلو ډېر ډرون توغولي.
د راپورونو پر اساس، د اسراییل د پوځ ویاند ویلي چې ایران پر دغه هېواد تر سلو ډېر ډرون توغولي دي.
د اسراییل ټایمز رسنۍ نن (جمعه، جوزا ۲۳) راپور ورکړی د اسراییل دفاعي ځواکونه د دغو ډرون په نښه کولو او رانسکورولو هڅې کوي.
د هغه په خبره، ډرون د ایران له خاورې توغول شوي او څو ساعته وخت نیسي چې د اسراییل خاورې ته ورسیږي.
تراوسه د دغو ډرون بریدونو په اړه ډېر جزییات نه دي ورکړل شوي او ایران هم دې برخه کې کوم نظر نه دی څرګند کړی.
دا داسې مهال دی چې اسراییل نن د ایران پر اټومي تاسیساتو او پوځي مشرانو هوايي بریدونه کړي دي.
