فراه کې نږدې ۱میلیون جریبه دولتي ځمکه له غصب را ګرځول شوې.
په فراه ولایت کې د دولتي ځمکو د غصب د مخنیوي او بېرته راګرځولو کمیسیون مسوولینو خبر ورکړی، چې په دغه ولایت کې نږدې یو میلیون جریبه دولتي ځمکه له غصب څخه خلاصه او د غصب مخنیوی یې شوی دی. د مسوولینو په خبره د غصب کمیسیون له رامنځته کېدو څخه تر دې مهاله د فراه په مرکز او ټولو ولسوالیو کې ۲۷۹ زره ۳۷۱ جریبه ځمکه بېرته راګرځول شوې او د ۶۸۹ زره ۶۷۴ جریبه ځمکې د غصب مخنیوی شوی دی. نوموړي زیاته کړې، چې د اسلامي امارت له بیا واکمنېدو راهیسې په ټول هېواد کې سلګونه زره جریبه ځمکه له غصب څخه خلاصه شوې ده.
