کندهار کې یوه ځوان ځانوژنه کړې ده.
امنیتي مسوولین وايي چې د کندهار ښار د پنځمې امنیتي حوزې مربوطاتو کې یوه ځوان ځانوژنه کړې ده.
یوې باوري امنیتي سرچينې رسنیو ته وویل چې دغه پېښه تېره ورځ د کندهار ښار د پنځمې ناحیې اړوند د صنعتي پارک ساحه کې شوې ده.
سرچينې زیاته کړه، یاد کس د خپل کارځای دننه ځان زندۍ کړی او لامل یې روانې ستونزې په ګوته شوې دي.
د صنعتي پارک د ابجوشو فابریکې یو کارکوونکی اللهنظر وایي، دغه کس عبدالله نومېده او د چوکیدار په توګه یې دنده ترسره کوله.
