سانا خبري اژانس راپور ورکړی، چې د سوریې لنډمهالی رییس احمد الشرع د یو پلاوي په مشرۍ متحده عربي اماراتو ته رسېدلی دی.
په راپور کې ویل شوي، چې د متحده عربي اماراتو د بهرنیو چارو وزیر شیخ عبدالله بن زاید ال نهیان د نوموړي هرکلي ته البطین هوايي ډګر ته ورغلی و.
په راپور کې راغلي چې وروسته احمد الشرع د متحده عربي اماراتو له ولسمشر شیخ محمد بن زاید سره کتلي دي.
دا په داسې حال کې ده، چې له دې وړاندې نوموړی ترکیې ته تللی و او هلته یې د انتالیا د دیپلوماسۍ په څلورم پړاو کنفرانس کې ګډون کړی و.
