د بلخ ولایت د ټولګټو ریاست مسوولین وايي چې د مزارشریف- حیرتان سړک، چې ۵۵.۷ کیلومتره اوږدوالی لري د رغولو او ترافیکي نښو د نصبولو چارې یې پیل شوې دي.
د بلخ د ټولګټو رییس مولوي عبدالصبورصابر رسنیو ته ویلي، چې یاده پروژه د ټولګټو وزارت په مالي ملاتړ د ۱۲.۹ میلیونه افغانیو په لګښت پلې کیږي او چارې به یې د ۲ میاشتو په موده کې بشپړې شي.
د یادې پروژې بشپړېدل به په دې لاره کې موټرچلوونکو ته د زیاتو اسانتیاوو په برابرولو او د ترافیکي پېښو په کمښت کې مهم رول ولوبوي.
