د عامې روغتیا وزارت مالي او اداري مرستیال، د افغانستان لپاره د جاپان د سفارت له چارسمبالي سره د روغتیا په برخه کې د دوه اړخیزو همکاریو د پراخولو په اړه خبرې کړې دي. بخت‌الرحمن شرافت له میکیو ایزاوا غوښتي چې له افغانستان سره د جاپان روغتیايي همکارۍ ته دوام ورکړي. د عامې روغتیا وزارت په یوه خبرپاڼه کې د جاپان د سفارت چارسمبالي له قوله لیکلي چې هغه له افغانستان سره د خپل هېواد د روغتیايي همکاریو د دوام ډاډ ورکړی دی.