میدانوردګ کې د ۵۰ لوبغاړو ترمنځ د غشيوېشتلو سیالي وشوې.
د میدانوردګ د بدني روزنې او ورزش امریت چارواکي وايی چې د غشيوېشتلو فدراسیون له لوري د یاد ولایت په چک ولسوالي کې د ۵۰ غوره لوبغاړو ترمنځ د غشيوېشتلو سیالي پای ته ورسېدي.
د میدانوردګ له ولایت مقام څخه رسنیو ته په رالېږل شوې خبرپاڼه کې راغلي چې دغه سیالي د غشيوېشتلو ورزش ته وده ورکول، د ځوانانو ترمنځ ښې اړیکې او تجربي رامنځته کول وو.
د ورکړل شویو معلوماتو له مخې، دغه سیالي د ولایت په کچه جوړې شوي او یوه ورځ یې دوام وکړ.
د غشيوېشتلو سیالیو ورزشکارانو د بدني روزنې او روزش امریت څخه غواړي چې یاد ورزش ته وده ورکړي او ورزشکارانو ته ښه فرصتونه برابره کړي.
