د اوبو او انرژۍ وزارت خبر ورکړی، چې په لغمان ولایت کې د یو شمېر رغنیزو پروژ چارې بشپړې او ګټې اخیستنې ته سپارل شوې دي.
سرچینې ویلي، په دې پروژو کې د نهر کریم کانال اړوند سلګونه ترنجونه، یو سربند، دوه چکډېمونه او د کبانو روزنې حوض پروژې شاملې دي او ۳۲ میلیونه افغانۍ لګښت پرې راغلی دی.
په جوړو شویو مراسمو کې د لغمان ولایت د اوبو او انرژۍ رییس د (اېف اې او) موسسې مسوولینو د خدمتونو ستایلو ترڅنګ له هغوی غوښتي، تر څو د نهر کریم کانال د پاتې کارونو د بشپړولو او د یاد کانال د سیند غاړې استنادي دېوالونو په جوړولو کې هم مرسته وکړي.
