د بهرنیو چارو وزارت خبر ورکړی، چې د دغه وزارت سرپرست وزیر مولوي امیر خان متقي پرون په انقره کې شیخ صنیع الله فرهمند د ترکیې لپاره د افغانستان د فوق العاده استازي او لوی سفیر په توګه معرفي کړی دی.
سرچینې ویلي، چې معرفي غونډه د افغان سفارت په انګړ کې جوړه شوې وه، چې د رسمي پلاوي ترڅنګ د افغان ټولنې مشرانو او علماوو هم ګډون درلود.
ښاغلي متقي د افغانستان او ترکیې ترمنځ اړیکې عادي بللي، دا یې یو مهم پرمختګ بللی او د اړیکو د لا ښه والي لپاره یې د نوي سفیر هڅو ته هیله مندي ښودلې ده.
