د سپینې ماڼۍ ویاندې کارولین لیویټ ویلي، چې امریکا ایران ته ډېر ښه او د منلو وړ وړاندیز کړی خو زیاتوي که ایران د امریکا دغه وړاندیز و نه مني، نو له جدي پایلو سره به مخ شي.
لویټ د هغې پوښتنې له ځوابولو ډډه وکړه، چې ګواکې امریکا ایران ته داسې وړاندیز کړی چې له مخې یې ایران کولی شي د ټیټې کچې یورانیم غني کړي، خو ویې ویل: «موږ د رسنیو له لارې مذاکرات نه کوو.
دا په داسې حال کې ده، چې وال سټریټ ژورنال د یو لوړ پوړي امریکایي چارواکي په حواله راپور ورکړی، چې متحده ایالات چمتووالی نیسي چې ایران ته یوه داسې «شرط پاڼه» وړاندې کړي، چې په کې د یورانیمو غني کول پای ته ورسېږي.
