د سرپرست حکومت ویاند د افغانستان او ازبکستان ترمنځ اړیکې ښې ګڼي او زیاتوي چې دواړه هېوادونه د ګډو ګټو ساتنې ته ژمن دي.
نوموړی له ازبکستان سره د اړیکو لا پراختیا ته د هیلې په څرګندولو سره وايي چې یاد هېواد په افغانستان کې له شته واقعیتونو څخه ښه درک لري.
وړمه ورځ د ازبکستان ولسمشر ټینګار کړی وو چې د افغانستان په اړه یې د هېواد تګلاره تل عملي ده او له ګاونډیو هېوادونو په ځانګړې توګه
ازبکستان سره له رغنده تعامل پرته د افغانستان پرمختګ ناشونی دی. شوکت میرضیایوف د دې خبرې په څرګندولو سره چې ازبکستان له اروپايي
ټولنې او نورو نړیوالو شریکانو سره د افغانستان د پرمختګ په برخه کې همکارۍ ته چمتو دی وویل چې په افغانستان کې ټیکاو د منځنۍ آسیا هېوادونو او اروپايي ټولنې له ګډو ګټو سره سمون لري.
