له پولیو خلاص افغانستان په نامه یوه بنسټ خبر ورکړی، چې د افغانستان په بېلابېلو سیمو کې د راتلونکې دوشنبې په ورځ د ګوزڼ ضد واکسینو کمپاین پیلېږي.
دغه کمپیان داسې مهال پیلېږي، چې د امریکا اين پي ار رسنۍ راپور ورکړی چې په افغانستان او پاکستان کې د پولیو وایرس د پراخوالي په حال کې دی.
په دغه راپور کې دا هم راغلي، چې روان زېږدیز کال په افغانستان کې د ګوزڼ یوه مثبته پېښه ثبت شوې ده. خو تېرکال بیا په افغانستان کې د پولیو ۲۴ مثبتې پېښې ثبت شوې وې.
د روغتیا نړۍوال چارواکي اندېښنه لري، چې ښایي د امریکا د پرمختیایي ادارې د مرستو درېدو سره دغه شمېرې لا پسې زیاتې شي.
