نایجریا کې وسلهوالو د برید پرمهال ۱۰۰ کسان وژلي.
د بنښې نړیوال سازمان وايي چې د نایجریا په مرکزي «بینو ایالت» کې د وسلهوالو له لوري د مرګوني برید پرمهال ۱۰۰ کسان وژل شوي دي.
د یاد سازمان په وینا، برید تېره جمعه، د یاد ایالت اړوند په «ېلېواتا کلي» کې شوی دی.
یاد بنسټ پر خپله اېکسپاڼه لیکلي: «ډېری خلک لاهم ورک دي … لسګونه ټپیان شوي او له درملنې پرته پاتې دي. ډېرې کورنۍ په خپلو خوب خونو کې بندې شوي او سوځول شوې دي.»
بینو ایالت د نایجریا منځنۍ برخه بلل کېږي چې د شمال د مسلمانانو سیمې د یاد هېواد عیسوي مېشت سوېلي سیمې سره نښلوي.
دا سیمه د ځمکې پر سر د سیالیو، د څارویو لپاره د څړځای او بزګران چې د کښت لپاره د کرنې وړ ځمکې ته اړتیا لري، تل د دواړو لوریو ترمنځ د شخړو د رامنځتهکېدو اصلي لامل بلل کېږي.
ډېری وخت دغه تاوتریخوالی د قومي او مذهبي وېشونو له امله په شخړو بدلېږي.
د راپورونو له مخې، تېره میاشت د نایجریا د مرکزي بینو ایالت په ګویرویسټ ولسوالي کې د اوونۍ د پای بریدونو په لړۍ کې لږترلږه ۴۲ کسان د شکمنو شپنو له لوري په ډزو وژل شوي وو.
له ۲۰۱۹ کال راهیسې د نایجریا د نښتو په سیمه کې له ۵۰۰ څخه ډېر کسان وژل شوي او ۲.۲ میلیونه یې د خپلو کورونو پرېښودو ته اړ شوي دي.
