د کونړ د کلیو، بیارغونې او پراختیا ریاست مسوولینو د دغه ولایت د غازي اباد ولسوالۍ په کنه ګوی سیمه کې د اوبو رسولو یوې شبکې د جوړېدو او ګټې اخیستنې ته یې د سپارل کېدو خبر ورکړی دی.
د یاد ولایت د کلیو، بیا رغونې او پراختیا رییس شمسالرحمن سیلاب ویلي، چې په دغه پروژه کې د ۸.۸ کیلو متره په اوږدوالي د پایپ لاین غځول، د ۴۰ متره په وړتیا د یوې زېرمې جوړول شامل دي.
د نوموړي په وینا دغه شبکه د ۳.۵ میلیونه افغانیو په لګښت د ۹ میاشتو په موده کې جوړه شوې، چې پرمټ به یې نږدې ۳۰۰ کورنیو ته د څښاک اوبه برابرې شي.
