عبدالباري عمر: تر راتلونکې یوې میاشتې هېوادوالو ته ښه زېری لرم.
د برښنا شرکت مشر عبدالباري عمر وايي چې د برښنا تولید ډېروالي په موخه له کورنیو سرچینو څخه د برښنا تولید ۱۳ نوې پروژې پرانېستل کېږي.
نوموړي پر خپله اېکسپاڼه لیکلي چې دغه پروژې تر راتلونکې یوې یا دوو میاشتو پورې پرانېستل شي.
نوموړي لیکلي: «د کورنۍ برښنا ډېروالي ته په پام او د سترو پروژو پرانېستلکېدل، راتلونکې یوې یا دوو میاشتو کې هېوادوالو ته ښه زېری لرم.»
هېواد کې د برښنا کمښت یا یوشمېر سیمو کې یې، نشتون، هېوادوالو له سختو ستونزو سره مخ کړي دي.
د معلوماتو له مخې، دا مهال د هېواد ۸۰سلنه د اړتیا وړ برښنا له ایران، ترکمنستان، تاجیکستان او اوزبیکستان هېوادونو څخه راواردېږي او یوازې ۳۸سلنه هېوادوال برښنا ته لاسرسی لري.
