روسیه: دا چې ټرمپ زېلېنسکي ونهواهه، معجزه وه.
د روسیې د بهرنیوچارو وزارت د ټرمپ او زېلېسنکي لیدنې ته په غبرګون کې ویلي، ټرمپ د یادې لیدنې پرمهال له حوصلې کار اخیستی چې زېلېنسکي یې نهدی وهلی.
د یاد وزارت ویاندې ماریا زاخارووا ویلي: «دا چې ډونالډ ټرمپ او ډيجي ونس زېلېنسکي له وهلو ډډه کړې، د ځان د کنټرول یوه معجزه وه.»
ټرمپ او زېلېنسکي بېګاه په سپینه ماڼۍ کې د اوکراین او روسیې ترمنځ روانې جګړې پر سر له نانندریو ډکه ناسته لرله.
د روسیې مخکیني ولسمشر او د دغه هېواد د امنیت شورا اوسني مشر ډیمټري مدودف هم ویلي چې زېلېنسکي ته په سپینه ماڼۍ کې ښه څپېړه ورکړل شوې.
مدودف روانه میاشت په سعودي عربستان کې د روسیې او امریکا ترمنځ د شویو مذاکراتو غړی و.
د ټرمپ او زېلېنسکي ترمنځ له ناستې وروسته د دواړو مشرانو ترمنځ د کېدونکې ګډه خبري ناسته هم لغوه شوې چې ټاکل شوې وه، د اوکراین کانونو په اړه هوکړه هم پکې لاسلیک شي.
