اسوشیټيډپرېس راپور ورکړی، چې ناپېژاندو وسلهوالو د پاکستان په سوېلختیځ کې ۲ پولیس چې د پولیو واکسین د کارکوونکو د امنیت لپاره ګومارل شوي وو، وژلي دي.
په راپور کې ویل شوي چې دا پولیس چهارشنبه د اپریل پر ۲۳مه د موټر سایکل سپرو وسلهوالو له خوا په ډزو وژل شوي دي. محمدعارف چې د پولیسو یو ځايي چارواکی دی، ویلي چې دا پېښه د بلوچستان په ماستونګ سیمه کې شوې ده.
د نوموړي په خبره، روغتیايي کارکوونکو چې ماشومانو ته یې د ګوزڼ ضد واکسین ورکاوه، کوم زیان نه دی رسېدلی.
ورته مهال د بلوچستان حکومت ویاند شهید ریند بیا د دغه برید غندنه کړې ده. تر اوسه کوم چا یا ډلې د یاد برید مسوولیت نه دی منلی.
