سوېليکوریا له افغانستان سره یو میلیون ډالر مرسته وکړه.
د افغانستان لپاره د ملګروملتونو ځانګړي امانتي صندوق اعلان کړی چې سوېليکوریا له دې صندوق سره یو میلیون ډالر مرسته کړې چې افغانستان کې به اړمنو سره د بشردوستانه مرستو برابرولو برخه کې ولګول شي.
دې بنسټ پر خپله اېکسپاڼه لیکلي چې دغه مرسته به د افغانانو د اساسي خدمتونو پراخولو او شته ستونزو حل برخه کې ګټوره تمامه شي.
د افغانستان لپاره د ملګروملتونو امانتي صندوق هم ویلي چې د سوېليکوریا یو میلیون ډالر به دې صندوق سره مرسته وکړي چې د افغانانو ژوند بیارغونې کې مهمه ونډه ولري.
دغه مرسته داسې مهال کېږي چې د ملګروملتونو د سرمنشي ویاند سټیفان دوجاریک اعلان کړی چې ۲۳ میلیونه کسان په افغانستان کې بشردوستانه مرستو ته اړتیا لري؛ خو ملګري ملتونه د بودیجې له کمښت سره مخ دي.
د اقتصاد وزارت هم له دې وړاندې د نړیوالې ټولنې د بشردوستو څخه هرکلی کړی، خو تل یې، ټينګار کړی چې دغه مرستې دې پر زېربنايي او کاري فرصتونو رامنځته کولو برخو ولګول شي، څو افغانان پر ځانبسیا شي.
