د راپورونو له مخې د اسراییل او ایران ترمنځ روان کړکېچ د ژورېدو په حال کې دی؛ ډیری هیوادونه په دې هڅه کې دي، چې له دواړو هیوادونو خپل وګړي وباسي.
اسټرالیا او نوي زيلانډ تازه اعلان کړی، چې له یادو دواړو هېوادونو څخه خپل وګړي وباسي. دا په داسې حال کې ده، چې د ایران هوایي حریم هم د هر ډول الوتنو پر مخ تړل شوی دی.
د اسټرالیا د بهرنیو چارو وزیرې له شاوخوا ۱۵۰۰ اسټرالیایانو په ایران او ۱۲۰۰ تنو په اسراییل کې د تخلیې غوښتنه کړې؛ خو د جدي عملیاتې محدودیتونو او د هوایي ډګرونو د بندېدو له امله د دوی اېستل ستونزمن شوي دي.
