حماس: د اسراییلو برید د امریکايي برمته شوي ساتونکو سره اړیکه پرې کړې.
د حماس ډلې اعلان کړی چې د اسراییلو وروستي برید د اسراییل-امریکايي د برمته شوي کس له ساتونکې ډلې سره د دوی اړیکه پرې کړې ده.
د حماس ډلې پوځي برخې ویاند ابوعبیده په یوه بیان کې ویلي: «زموږ د سرتېرو پر ځای مستقیم برید شوی او موږ هڅه کوو چې له دوی سره اړیکه ټینګه کړو.»
دغه څرګندونې د حماس ډلې د هغو سرتېرو په تړاو ویل شوي چې غزه کې یې، د ۲۱کلن اسراییلي- امریکايي سرتېري اډن الکساندر د ساتنې مسوولیت یې درلود.
حماس څو ورځې وړاندې د یاد سرتیري یوه ویډیو هم خپره کړې وه. ویل کېږي چې ادن الکساندر وروستی امریکايي وګړی دی چې غزه کې بندي دی.
حماس تراوسه په غزه کې هغه ځای نهدی په ډاګه کړی چې یاد اسراییل-امریکايي سرتېری پهکې ساتل کېده او د اسراییلو له لوري پرې برید شوی.
اسراییلو تراوسه د حماس ډلې د یادو څرګندونو په تړاو څه نهدی ویلي.
د حماس له دې څرګندونو سره هممهاله د اسراییلو مشران په کور دننه تر سخت فشار لاندې دي، څو جګړه ودروي او د برمته شویو د ازادېدو لپاره له یادې ډلې سره اوربند ته غاړه کېږدي.
