د کابل د شکر درې ولسوالۍ یوه اوسېدونکي ټول قرانکریم په ۸۵ ورځو کې حفظ کړی. د کابل ولایت مقام ویلي، د دې لوړ استعداد څښتن حافظ عبدالحق نومېږي چې د دیني زده کړو تر څنګ عصري زده کړې هم کوي او د لسم ټولګي زده کونکی دی. د کابل سرپرست والي امین الله عبید پرون د دغه ځوان لپاره ستاینغونډه جوړه کړې وه چې د دیني علماوو سربېره پکې د هغه د کورنۍ غړو هم ګډون کړی وو.  سرپرست والي دغه حافظ ته د هر ډول امکاناتو برابرولو ډاډ ورکړی او هغه ته یې د لا زیاتو علومو د حاصلولو سپارښته کړې ده.