پاکستان کې د چمپیزټرافي سیالي پیل شوې.
د پاکستان او عربي متحده اماراتو په کوربهتوب نن چهارشنبه، فبرورۍ ۱۹مه د چمپینزټرافي سیالي پیلېږي چې لومړۍ لوبه کې به کوربه له نیوزیلنډ سره سیالي وکړي.
په دغه جام کې اته لوبډلې په دوو ګروپونو وېشل شوي چې افغانستان به د لومړي ځل لپاره پهکې سیالي وکړي.
افغانستان، سوېليافریقا، اسټرالیا او انګلستان په یوه او پاکستان، هند، بنګلهدېش او نیوزیلنډ بیا بل ګروپ سره یوځای شوي دي.
د پاکستان او نیوزیلنډ ترمنځ سیالي به نن ماسپښین ۱:۳۰ بجې په کراچۍ ښار کې پیل شي.
د پاکستان او نیوزیلنډ ترمنځ په شویو وروستیو پنځو یو ورځنیو سیالیو کې نیوزیلنډ درې او پاکستان بیا دوه ځلې بریاوې خپلې کړې دي.
له چمپینزټرافي سیالیو وړاندې د پاکستان، سوېليافریقا او نیوزیلنډ لوبډلو ترمنځ په درې اړخیزه لوبلړۍ کې نیوزیلنډ ښه وځلېد او دغه لوبلړۍ یې، وګټله.
نیوزیلنډ دې لوبلړۍ کې پاکستان ته دوه ځلې ماته ورکړه.
د روانو سیالیو په لړ کې به افغانستان جمعه د فبرورۍ ۲۱مه په کراچۍ ښار کې له سوېليافریقا سره خپله لومړۍ لوبه وکړي.
پاکستان د چمپینزټرافي سیالیو د تېر پړاو اتل دی او له خپلې اتلولۍ به دفاع کوي.
