لوګر کې په ۱۰۰زره ډالرو یوه جومات ته ودانۍ جوړېږي.
د لوګر پوهنې ریاست مسوولان وایي دغه ولایت کې د سل زره امریکايي ډالرو یوه جومات ته ودانۍ جوړېږي.
جومات چې د څرخ ولسوالي اړوند نوشهرسیمه کې د «احمدیه» په نوم دیني مدرسې او دارلایتام ته په اساسي توګه جوړېږي، شاوخوا ۱۰۰زره امریکایي ډالره لګښت پرې راځي او د ۳۰۰ لمونځکوونکو ظرفیت به ولري.
د دغه ولایت د پوهنې ریاست ویاند، شاپور عرب زینت راډیو ته وویل، دا جومات او ورسره، دینه مدرسه او دارالایتام زدهکوونکو لپاره ډوډۍ خوړولو صالون او د اوداسه ځایونه به هم جوړ شي.
د یادې ودانۍ لګښت د ترکیې د یوه اوسېدونکي په مالي ملاتړ جوړیږي چې چارې به یې تر راتلونکي یوه کال بشپړې شي.
عرب همدارنګه زیاتوي چې دغه دیني مدرسه د پوهنې د اسلامي زدهکړو امریت په چوکاټ فعالیت کوي چې اوس پهکې شاوخوا۲۵۰ زدهکوونکي پر زدهکړو بوخت دي.
نوموړي ټينګار وکړ چې د یادې ودانۍ له جوړېدو سره به نه یوازې د عبادتکوونکو لپاره اسانتیاوې برابرې شي، په خواکې به یې سلګونه پر زدهکړو بوخت ماشومانو ته هم د لیک-لوست مناسب چاپیریال برابر شي.
