سوریه کې د اسراییلو عملیات؛ د حماس غړي نیول شوي.
د سوریې په سوېللوېدیځ کې له حماس سره د غړیتوب په تړاو د اسراییلي ځواکونو د عملیاتو پرمهال یوشمېر کسان نیول شوي دي.
اسراییلي ځواکونه وايي چې دغه کسان د فلسطین جهادي ډلې «حماس» غړي دي، خو د سوریې کورنیو چارو وزارت ټينګار کوي چې نیول شوي، ملکیان دي.
دغه عملیات د سوریې پلازمېنې دمشق سوېلختیځ لوري ته په ۵۰ کیلومټرۍ کې بیتجین ښارګوټي کې شوي دي.
د اسراییلو پوځ زیاته کړې چې بیتجین ښارګوټي کې د شپنیو عملیاتو پرمهال نیول شویو کسانو په سوریه کې د اسراییلي سرتېرو او ملکیانو پر وړاندې مرګوني پلانونه جوړول.
تراوسه د حماس ډلې په دې اړه څه نهدي ویلي.
د سوریې د کورنیو چارو وزارت چارواکو رویټرز خبري اژانس ته ویلي چې د اسراییلو په عملیاتو کې اووه کسان نیول شوي، خو په وینا یې، نیول شوي، د حماس غړي نهدي.
په دې عملیاتو کې یو کس وژل شوی هم دی.
اسراییلو په سوریه کې د بشارالاسد په مشري د حکومت له نسکورېدو راهیسې څو ځلې بریدونه کړي او تر ډېره یې، هغه وسلې او پوځي تجهیزات په نښه کړي چې د دوی په وینا، د وسلهوالو لاس ته لوېدل.
