له سېلاب د ماشومانو ژغورنه؛ ژغورونکي ژوند له لاسه ورکړو.
د غزني ښار اړوند «پیرزاده» کلي کې یوه ځوان له سېلاب څخه د دوو ماشومانو د ژغورنې پرمهال خپل ژوند له لاسه ورکړی دی.
پېښه پرون یکشنبه، چنګاښ ۲۱مه، دغه کلي کې د سېلاب راوتلو پرمهال شوې ده.
د غزني امنیه قومنداني ویاند خالد سرحدي رسنیو ته وايي چې دغه ځوان د سېلاب له اوبو دوه ماشومان ژغورلي، خو په وینا یې، خپل ژوند یې، له لاسه ورکړی دی.
هغه زیاته کړه چې دوه ټپي ماشومان د یاد ځوان له لوري له سېلاب ژغورل شوي دي.
عیني شاهدان بیا وايي چې دغه ځوان سیدنصیراحمد نومېږي او د سېلاب اوبو څخه یې، دوه ماشومان ژغورلي دي. دوی همداراز د یاد ځوان کورنۍ سره د مرستې لپاره کمپاین هم پیل کړی دی.
د وروستیو اوونیو پرمهال د هېواد په ګڼو ولایتونو کې د اورښتونو ل امله یوشمېر هېوادوالو خپل ژوند له لاسه ورکړی او ګڼ مالي زیانونه هم اوښتي دي.
