د روغتیا نړۍوال سازمان ( ډبلیو ایچ او) ویلي، چې د چین، قطر او سویس په ګډون څو نور هېوادونه هڅه کوي، چې د امریکا د مالي مرستو د کمښت یوه برخه جبران کړي.
ډبلیو ایچ او وایي، دغو هېوادونو ورسره د ۱۷۰ مېلیونه ډالرو د مرستې ژمنه کړې ده. د راپورونو له مخې، د روغتیا د نړۍوال سازمان غړو هېوادونو هم دې ته چمتووالی ښودلی، چې د خپل غړیتوب حق زیات کړي ترڅو د امریکا د مرستو د کمښت له امله رامنځته شوی مالي کمښت جبران کړي.
