د پنجشېر ولایت د کلیو بیا رغونې او پراختیا ریاست مسوولین وایي، چې د دغه ولایت په درې ولسوالۍ کې د څه باندې ۲ میلیونه افغانیو په لګښت د یوه کلیوالي سړک د جوړولو چارې پیل شوې دي.
د مسوولینو په خبره، دغه سړک ۲ کیلومتره اوږدوالی او ۵ متره سور لري، چې چارې یې د اکتید موسسې په مالي ملاتړ د ۲ میلیونه ۶۵۰ زره افغانیو په لګښت پیل شوې دي.
د یادونې وړ ده، چې له دې وړاندې هم د یاد ولایت په یو شمېر نورو ولسوالیو کې ورته سړکونه جوړ او ګټې اخیستنې ته سپارل شوي دي.
