مسئولان در ریاست معارف هرات، می‌گویند که باشندگان ولسوالی‌های گلران و کشک رباط‌سنگی این ولایت، سه‌ونیم جریب زمین به ارزش ۳۵۰ هزار افغانی را به ریاست معارف اهدا کردند.

رحمت‌الله جابر، رییس معارف ولایت هرات، می‌گوید که روی زمین اهداشده، مکتب ساخته خواهد شد.

رییس معارف هرات، می‌گوید که معارف این ولایت برای رشد به کمک‌های مردمی نیازمند است.

در سال‌های پسین، شهروندان در ولایت‌های مختلف با سکتور آموزش در بخش ساخت و بازسازی مکتب یا هم اهدای زمین برای ساختن مکتب، هم‌کاری کرده اند.